ՀՀ նախագահը հրամանագրեր է ստորագրել նախարարների նշանակման մասին
Հայաստանի Հանրապետության նախագահ Արմեն Սարգսյանը նախարարներ նշանակելու և վերանշանակելու մասին ստորագրել է հրամանագրեր: Այս մասին տեղեկացրին ՀՀ նախագահի աշխատակազմի հասարակայնության հետ կապերի վարչությունից։ Նախագահի հրամանագրերով վերանշանակվել են՝
Զոհրաբ Մնացականյանը՝ արտաքին գործերի նախարարի պաշտոնում,
Դավիթ Տոնոյանը՝ պաշտպանության նախարարի պաշտոնում,
Արայիկ Հարությունյանը՝ կրթության և գիտության նախարարի պաշտոնում,
Սուրեն Պապիկյանը՝ տարածքային կառավարման և զարգացման նախարարի պաշտոնում,
Էրիկ Գրիգորյանը՝ բնապահպանության նախարարի պաշտոնում,
Ֆելիքս Ցոլակյանը՝ արտակարգ իրավիճակների նախարարի պաշտոնում,
Հակոբ Արշակյանը՝ տրանսպորտի, կապի և տեղեկատվական տեխնոլոգիաների նախարարի պաշտոնում,
Տիգրան Խաչատրյանը՝ տնտեսական զարգացման և ներդրումների նախարարի պաշտոնում,
Ատոմ Ջանջուղազյանը՝ ֆինանսերի նախարարի պաշտոնում,
Արսեն Թորոսյանը՝ առողջապահության նախարարի պաշտոնում,
Արտակ Զեյնալյանը՝ արդարադատության նախարարի պաշտոնում:
Աշխատանքի և սոցիալական հարցերի նախարարի պաշտոնում է նշանակվել Զարուհի Բաթոյանը: