ԵՊՀ ուսխորհուրդը անհանգստացած է կառույցի ղեկավարին ապօրինի և ռեպրեսիվ եղանակով բերման ենթարկելու փաստով
ԵՊՀ ուսանողական խորհուրդը հայտարարություն է տարածել՝ կառույցի ղեկավար Դավիթ Ափոյանի ձերբակալության միջադեպի առնչությամբ։
Հայտարարությունն ամբողջությամբ ներկայացնում ենք ստորև․
«ԵՊՀ ուսանողական խորհուրդը լրջորեն անհանգստացած է ՈՒԽ նախագահ Դավիթ Ափոյանին ապօրինի բերման ենթարկելու փաստով և բերման ենթարկելու ընգծված ռեպրեսիվ եղանակով: Մասնվորապես նրան ազատությունից զրկել են մի դեպքի կապակցությամբ, որի ժամանակ նա գտնվել է այլ վայրում` մասնակցելով ՈՒԽ կազմակերպած հրապարակային միջոցառման:
Հատկապես տարակուսելի է ՈւԽ նախագահին բերման ենթարկելու եղանակը: Նա ազատությունից զրկվել է ԵՊՀ վարչական շենքի տարածքում և ԵՊՀ բազմաթիվ աշխատակիցների և ուսանողների աչքի առջև, բազմաթիվ ոստիկանների ուղեկցությամբ ձեռնաշղթաներով տեղափոխվել է Ոստիկանության բաժին:
Նրա հետ փաստացի վարվել են իբրև վտանգավոր հանցագործի, ինչը վնասում է ոչ միայն Դավիթ Ափոյանի, այլ նաև ԵՊՀ ՈւԽ-ի` որպես կարևոր ուսանողական կառույցի բարի համբավին: Այս ամենի կապակցությամբ ակնկալում ենք պատկան մարմինների մանրամասն և հրապարակային պարզաբանումը»։
