Փաշինյանի իշխանազավթումից հետո Հայաստանը ոչ միայն չի ամրացրել իր դիրքերը բանակցություններում, այլև վեր է ածվել իզգոյի
Եթե ՀՀԿ-ի օրոք Ալիևին ճնշում էին՝ ճանաչելու Արցախի անկախությունը, ապա այսօր՝ «Իմ քայլի» օրոք, կարծես թե դեմ չեն փուլային տարբերակին ու ինչ-որ «ադրբեջանական համայնքի» մասնակցությանը բանակցություններին
Անվտանգության մարտահրավերների դիմակայումն ու Արցախյան կարգավորումը եղել և շարունակում են մնալ մեր քաղաքական օրակարգի կարևորագույն խնդիրները:
Ավաղ, Փաշինյանի իշխանազավթումից հետո Հայաստանը ոչ միայն չի ամրացրել իր դիրքերը բանակցություններում, այլ ընդհակառակը՝ վեր է ածվել իզգոյի:
Տեսեք՝
* Արցախն այդպես էլ բանակցություններին լիարժեքորեն չի մասնակցում:Փաշինյանի այդ թեզը նախապայման դիտարկվեց համանախագահների կողմից և համանախագահների խիստ հայտարարությունից հետո պաշտոնական Երևանը, կարծես թե, մոռացավ իր այդ թեզի մասին:
* Չգիտես ինչու, ՀՀ վարչապետը պատերազմի հնարավոր վերսկսման վտանգը Ադրբեջանից գցեց Ռուսաստանի վրա՝ նշելով, թե Ռուսաստանը ունի բոլոր մեխանիզմները՝ թույլ չտալու պատերազմի վերսկսում:
* Ապրիլյան պատերազմ սանձազերծած Ալիևը Փաշինյանի վրա թողեց կիրթ և նորմալ մարդու տպավորություն:
* Հայաստանը հրաժարվեց Սանկտ Պետերբուրգի և Վիեննայի օրակարգերից:
* ՀՀ վարչապետը Արցախում սկսեց ,դավադիր ուժերե փնտրել, որոնք պատերազմի միջոցով փորձում են հող հանձնել Ադրբեջանին և հետո մեղքը գցել իր վրա:
* Փաշինյանը Ստեփանակերտում հայտարարեց Արցախը Հայաստան է և վերջ, որով թուլացրեց Արցախի բանակցային դիրքերը և, փաստացի, Հայաստանը դարձրեց հակամարտության կողմ:
* Փաշինյանի այդ հայտարարությունը քննադատվեց նույնիսկ Ռուսաստանի արտգործնախարար Լավրովի կողմից:
* Դրան հաջորդեց ՀՀ վարչապետի հերթական անհեթեթ թեզը, թե հակամարտության լուծումը պետք է բավարարի թե՛ Հայաստանի, թե՛ Արցախի և թե Ադրբեջանի ժողովուրդներին և որ ինքը պատրաստ է երկխոսելու ոչ միայն Ալիևի, այլ նաև Ադրբեջանի ժողովրդի հետ:
* Այս թեզը օդում կրակած փամփուշտ էր, որը չարժանացավ ոչ համանախագահների և ոչ էլ Ալիևի արձագանքին:
* Ավելին, իշխանության ներկայացուցիչը ուղիղ նշեց, որ Փաշինյանը դեմ չէ, այսպես կոչված, «ադրբեջանական համայնքի» մասնակցությանը բանակցություններին:
Սրանք փաստեր են, որոնք գալիս են ապացուցելու Փաշինյանի ապաշնորհ գործողությունները Արցախյան հակամարտության կարգավորման հարցում:
Հ.Գ. Ժողովուրդ, «Սերժի վախտ» Ադրբեջանի նախագահ Ալիևը բողոքում էր, որ իրեն ստիպում են ճանաչել Արցախի անկախությունը, իսկ Նիկոլի օրոք Իմ քայլի պատգամավորը նշում է, թե Փաշինյանը դեմ չէ «ադրբեջանական համայնքի» մասնակցությանը բանակցություններին:
Ահա և տարբերությունը Սերժի և Նիկոլի միջև:
Էդուարդ Շարմազանովի ֆեյսբուքյան էջից
Եթե ՀՀԿ-ի օրոք Ալիևին ճնշում էին՝ ճանաչելու Արցախի անկախությունը, ապա այսօր՝ Իմ քայլի օրոք, կարծես թե դեմ չեն փուլային…
Опубликовано Էդուարդ Շարմազանով Eduard Sharmazanov Вторник, 17 декабря 2019 г.