Իրանի նախագահ Հասան Ռոհանիի շնորհավորանքը Նիկոլ Փաշինյանին
Իրանի նախագահ Հասան Ռոհանին շնորհավորել է Նիկոլ Փաշինյանին՝ Հայաստանի Հանրապետության վարչապետի պաշտոնում նշանակվելու կապակցությամբ։ Այս մասին տեղեկանում ենք ՀՀ վարչապետի մամուլի ծառայությունից։
«Ձերդ գերազանցություն,
սրտանց շնորհավորում եմ Ձեզ՝ Հայաստանի Հանրապետության վարչապետի պաշտոնում նշանակվելու կապակցությամբ:
Հուսով եմ, որ Ձեր վերանշանակումը կնպաստի երկկողմ, տարածաշրջանային և միջազգային ոլորտներում մեր զարգացող հարաբերությունների ընդլայնմանը և խորացմանը:
Մաղթում եմ Ձեզ առողջություն և հաջողություն, իսկ Հայաստանի Հանրապետության բարեկամ ժողովրդին՝ բարգավաճում և բարօրություն», – ասված է Իրանի նախագահի ուղերձում:
