ԱՄՆ Ներկայացուցիչների պալատը բանաձև է ընդունել G7-ին Ռուսաստանի մասնակցության դեմ
ԱՄՆ Կոնգրեսի Ներկայացուցիչների պալատն ընդունել է բանաձև, որում հանդես է եկել «մեծ յոթնյակին» Ռուսաստանի մասնակցության դեմ:
Փաստաթղթի օգտին քվեարկել է Ներկայացուցիչների պալատի 339 անդամ, դեմ քվեարկել է 71-ը: Այն ԱՄՆ-ում օրենքի ուժ չունի և հանձնարարական բնույթ է կրում գործադիր իշխանության համար:
«ՌԻԱ Նովոստիի» տեղեկացմամբ բանաձևում նշված է, որ Ռուսաստանը չի կարող վերադառնալ G7 «այնքան ժամանակ, քանի դեռ նա չի հարգում հարևանների տարածքային ամբողջականությունը և չի պահպանում ժողովրդավարական հասարակության ստանդարտները»:
Ավելի վաղ Դոնալդ Թրամփը խոստացել է Վլադիմիր Պուտինին հրավիրել G7-ի հաջորդ հանդիպմանը, որը տեղի կունենա 2020 թվականին Միացյալ Նահանգներում: Նրա կարծիքով՝ շատ միջազգային հարցեր իմաստ ունի քննարկել Ռուսաստանի հետ մեկտեղ։