Նիկոլ Փաշինյանի միակ զենքը, իսկապես, 24 ժ. կյանք ունեցող «Երկիր-ՀԺ» կոնցեպտն է․ Սամվել Ֆարմանյան
Սամվել Ֆարմանյանը ֆեյսբուքյան իր էջում գրում է. «Նիկոլ Փաշինյանը 2018 թ. սահմանադրական հեղաշրջումից հետո ասում էր, որ Արցախի անունից պիտի բանակցի միայն Արցախը, և ինքը լիազորված չէ բանակցելու Արցախի փոխարեն:
Երեկ ասում էր` արցախյան հարցում հենց լինի մի այնպիսի լուծում, որն իր պատկերացմամբ կբավարարի հայկական կողմերի շահերը, կբերի-կներկայացնի ժողովրդին` հանրաքվե, քննարկումներ և այլն (ուշադրություն դարձրեք` արդեն ենթագիտակցորեն վախենում է իր սիրած հանրահավաք բառից): Բայց ինչպե՞ս: Բա ո՞ւր մնաց Արցախի մասնակցությունը. Արցախն, ախր, դեռ չի մասնակցում բանակցություններին, ինչպես խոստացել էիր: Իր իսկ բառերով ասած` դու ո՞վ ես, որ Արցախի փոխարեն կարգավորման փաթեթ բանակցես:
Նիկոլ Փաշինյանի միակ զենքը, իսկապես, 24 ժ. կյանք ունեցող «Երկիր-ՀԺ» կոնցեպտն է: Նրա երազած Հայաստանում մարդկանց հիշողությունը իր խմբագրած օրաթերթի ռիթմով 24 ժ. այն կողմ չի անցնում: Ումն անցնում է` «սև» է, «ժողովրդի թշնամի», «հակահեղափոխական» և այլն: Վավեր է այն, ինչ ասվել-գրվել է վերջին 24 ժ. ընթացքում:
