Անօգուտ նախաձեռնություն․ թուրք պաշտոնյայի արձագանքը ԱՄՆ-ի Կոնգրեսի բանաձևին
Ներկայացուցիչների պալատի կողմից Հայոց ցեղասպանությունը ճանաչող բանաձևի ընդունումից հետո չեն դադարում թուրք բարձրաստիճան պաշտոնյաների արձագանքները:
Թուրքիայի արդարադատության նախարար Աբդուլհամիթ Գյուլը բանաձևի ընդունումը որակել է «անօգուտ նախաձեռնություն» ու շեշտել, որ դա՝ «իրենց համար առ ոչինչ է»:
«Անօգուտ նախաձեռնություն է: Երեկ ընդունված որոշումը մեզ համար առ ոչինչ է: Ցեղասպանությունից խոսողները նախ թող հետ շրջվեն ու իրենց պատմությանը նայեն»,- ասել է Գյուլը: Հիշեցնենք, որ ԱՄՆ Կոնգրեսի Ներկայացուցիչների պալատում հոկտեմբերի 29-ին կայացած քվեարկության արդյունքում ձայների մեծամասնությամբ ընդունվեց Հայոց ցեղասպանությունը ճանաչող բանաձևը։ Քվեարկությանը մասնակցած կոնգրեսականներից կողմ քվեարկեց 405-ը, դեմ՝ 11-ը, ձեռնպահ՝ 3-ը, իսկ 14 կոնգրեսական չի քվեարկել։
