Ոչ Փաշինյանի ուկրաիներենով թվիթերը, ոչ Նիկոլի՝ Պուտինի հետ շփվելու մասին Զելենսկուն տրված խորհուրդները իրենց արդյունքը չտվեցին
Տրենդից դուրս է, բայց պիտի ասեմ։
«Մեջքն ուղղած» արտաքին քաղաքականության մասին զառանցանքները սալով կտրեմ։ ՀՀ արտաքին գործերի նախարարությունը օրերս ողջունել է Ուկրաինայի խորհրդարանում Հայաստանի հետ բարեկամական խմբի ձևավորումը։
Ես, անխոս, Ուկրաինայի հետ հարաբերությունների բարելավման և հայ-ուկրաինական դարավոր բարեկամության ամրապնդման ջեռմեռանդ կողմնակից եմ։ Մենք և ուկրաինացիները հոգեհարազատ ժողովուրդներ ենք, բայց մեր պետությունները պատմության բերումով դարձել են աշխարհաքաղաքական հակառակորդներ։
Հիշեցնեմ, որ դեռ հեռավոր 90-ականներին Ուկրաինան պաշտոնապես սատարում էր Ադրբեջանին, անգամ մինչև Ղրիմի հարցը, բայց ժողովուրդների միջև բարեկամությունը շարունակվում էր։ Վկան՝ նաև մեր մարդաշատ և ուժեղ ուկրաինահայ համայնքը։
Իհարկե այսօր ստեղծված իրավիճակում պետք է մաքսիմալ ջանքեր գործադրել միջպետական հարաբերությունների կարգավորման համար։ Ավաղ, նոր իշխանությունների օրոք ոչ Փաշինյանի ուկրաիներենով թվիթերը, ոչ Նիկոլի՝ Պուտինի հետ շփվելու մասին Զելենսկուն տրված խորհուրդները իրենց արդյունքը չտվեցին։
Օրինակ, ուկրաինական ԱԳՆ-ի՝ Արցախ այցելուների մասին հայտնի հայտարարությունը։
Եվ ահա, կրկին փորձեք։ Հայաստանի ԱԳՆ-ը հատուկ ողջունում է իրականում շարքային մի բան՝ խորհրդարանական բարեկամական խմբի ստեղծումը։
Ուկրաինայի հետ մեր ԱԺ-ը բարեկամական խումբը վերստեղծել է 2019 թվականի ամռանը։ Մինչ այդ էլ նախորդ գումարման ԱԺ-ում գոյություն ուներ։ Ու ի՞նչ։ Ուկրաինայի ԱԳՆ-ը մերինի նման հայտարարությո՞ւն է արել։ Մեր ԱԺ-ի որոշումը հատուկ ողջունե՞լ են։
Ձեզ մի քիչ ծանր պահեք, պարոնայք։ Եթե այս դեպքում սիմետրիկ հարաբերություններ չեք կարում պահել, բա գերտերությունների հետ հարաբերությունների մասին ի՞նչ եք մեծ-մեծ փրթում։
Արմեն Աշոտյանի ֆեյսբուքյան էջից
Տրենդից դուրս է, բայց պիտի ասեմ։ «Մեջքն ուղղած» արտաքին քաղաքականության մասին զառանցանքները սալով կտրեմ։ ՀՀ արտաքին…
Опубликовано Armen Ashotyan Вторник, 22 октября 2019 г.
