Սպիտակ տունը սխալմամբ դեմոկրատներին է ուղարկել Թրամփ- Զելենսկի հեռախոսազրույցի սղագրությանն արձագանքելու «մեթոդաբանությունը»
Սպիտակ տունն էլեկտրոնային փոստի միջոցով պատահաբար ԱՄՆ նախագահ Դոնալդ Թրամփի և Ուկրաինայի նախագահ Վլադիմիր Զելենսկու սկանդալային հեռախոսազրույցի սղագրությանն արձագանքելու «մեթոդաբանությամբ» ծառայողական փաստաթուղթն ուղարկել է Դեմոկրատների գրասենյակին, Tert.am-ի տեղեկացմամբ, գրում է The Guardian-ը:
«Սկանդալային հեռախոսազրույցի սղագրության հրապարակումից կարճ ժամանակ անց, որում Թրամփը ճնշում է գործադրել Ուկրաինայի վրա՝ Ջո Բայդենի գործը հետաքննելու նպատակով, վարչակազմը պատահաբար դեմոկրատներին է ուղարկել իր թեզիսները՝ ինչպես խոսել սկանդալի մասին»,- գրում է աղբյուրը:
Մասնավորապես, փաստաթղթում տեղ գտած թեզիսները Թրամփի քաղաքական դաշնակիցներին հորդորում են պնդել, որ զրույցի ընթացքում «ուղիղ խոսք» չի եղել Բայդենի գործը հետաքննելու վերաբերյալ:
Ավելի ուշ Սպիտակ տունը փորձել է «հետ կանչել» էլեկտրոնային նամակը, սակայն չափազանց ուշ է եղել, և կատարվածից կարճ ժամանակ անց դրանց սքրինշոթները տարածվել են ամբողջ համացանցում:
Նամակին արձագանքել է նաև սենատոր Բեռնի Սանդերսը. «Չգիտես ինչու, նրանք մոռացել են նշել, որ պարոն Թրամփն ասել է՝ ես կցանկանայի, որ դուք մեզ մի ծառայություն մատուցեք», երբ Զելենսկին խոսակցություն է բացել ռազմական օգնության մասին»:
Հիշեցնենք, որ սկանդալային հեռախոսազրույցը տեղի է ունեցել հուլիսին:
The White House sent us their talking points around President Trump’s Ukraine call.
For some strange reason, they forgot to mention that Mr. Trump said, “I would like you to do us a favor though” after Zelensky brought up military aid. pic.twitter.com/60PMZ6aKcv
— Bernie Sanders (@SenSanders) September 25, 2019
Here are the White House talking points on the Ukraine call.
It’s a master class in straw man arguments. pic.twitter.com/Dugxee7seS
— Matt Fuller (@MEPFuller) September 25, 2019