Ջերմուկից մեկնարկել է ավտոերթ դեպի Երևան՝ ի պաշտպանություն Ամուլսարի
Սեպտեմբերի 14-ին Ջերմուկ առողջարանային քաղաքի բնակիչները մեծ ավտոերթով գնում են միանալու մայրաքաղաք Երևանում նախատեսվող մեծ քայլերթին` ի պաշտպանության Ամուլսարի փրկության։ Այդ մասին տարածել են հայտարարություն․«Կոչ ենք անում միանալ այդ խաղաղ ակցիային, որը ուղղված է լինելու ոչ թե ընդդեմ Հայաստանի Հանրապետության, այլ հանուն ինքնիշխան և մաքուր Հայրենիքի»,-ասվում է հայտարարության մեջ։
Իսկ երեկոյան 18:30-ին Երևանում «Ամուլսարն առանց հանքի» նախաձեռնությունը միաժամանակ մի քանի ուղղություններով կիրականացնի քայլերթ՝ ի պաշտպանություն Ամուլսարի: Երթին Ջերմուկից ավտոշարասյունով միանալու են ջերմուկցիները: Երթը կեզրափակվի Ազատության հրապարակում՝ ժամը 20:00-ին:
