Ստամբուլյան կոնվենցիայի վավերացման հարցն այս տարի չի հասնի ԱԺ. արդարադատության նախարար (տեսանյութ)

Ստամբուլյան կոնվենցիայի վավերացման հարցն այս տարի չի հասնի Ազգային ժողով։ Այս մասին այսօր Ազգային ժողովում լրագրողների հետ զրույցում ասաց ՀՀ արդարադատության նախարար Ռուստամ Բադասյանը։

«Ի սկզբանե պարզ էր, որ գրեթե շանս չկա, որ  Ստամբուլյան կոնվենցիան այս տարի հասնի Ազգային ժողով»,-ասաց արդարադատության նախարարը։

Նախարարի խոսքով՝ մինչև Վենետիկի հանձնաժողովից Կառավարությունը կարծիք ստանա, այն կրկին քննարկվի կառավարությունում, քննարկվի գործադիրում և ուղարկվի Սահմանադրական դատարան, ժամանակը չի բավականացնի։

Tert.am-ի տեսանյութը՝