Բակո Սահակյանը Սերգեյ Վարդանյանի հետ քննարկել է Արցախում հանքարդյունաբերության զարգացմանն առչվող հարցեր
Նախագահ Բակո Սահակյանն օգոստոսի 21-ին ընդունել է ճանաչված ռուսաստանաբնակ երկրաբան Սերգեյ Վարդանյանին: ԱՀ նախագահի աշխատակազմի լրատվական ծառայության տեղեկացմամբ, քննարկվել են Արցախում հանքարդյունաբերության զարգացմանն առչվող հարցեր:
Ընդերքօգտագործման ոլորտի զարգացման գործում Արցախի Հանրապետությանը մատուցած ծառայությունների համար նախագահը «Անանիա Շիրակացի» մեդալ է հանձնել Սերգեյ Վարդանյանին և հույս հայտնել, որ այսուհետ ևս անվանի մասնագետը կնպաստի մեր հանրապետության սոցիալ-տնտեսական առաջընթացին:
Հանդիպմանը ներկա էին ԱՀ պետնախարար Գրիգորի Մարտիրոսյանը, նախագահի խորհրդական Գրիգորի Գաբրիելյանցը, պաշտոնատար այլ անձինք:
