Էրդողանը վնաս է հասցնում Թուրքիայի պետական հիմնական կառույցներին․ Ահմեդ Դավութօղլու
Թուրքիայի նախկին վարչապետ և արտգործնախարար Ահմեդ Դավութօղլուն անգլիական «The Financial Times» թերթին տված հարցազրույցում քննադատել է իշխող կուսակցության քաղաքականությունը: «Ermenihaber.am»-ի տեղեկացմամբ, Դավութօղլուն նշել է, որ Թուրքիայի իշխող «Արդարություն և զարգացում» կուսակցությունը (AKP-ԱԶԿ) մի ժամանակ արժևորում էր «արդարությունը, ազատությունը, մտքի և խոսքի ազատությունը»:
«Սակայն վերջին 3 տարիներին ականատես եմ լինում, թե ինչպես են անտեսվում այն հիմնարար արժեքները, որոնց նկատմամբ ամբողջ կյանքում հարգանք ենք տածել»,- ասել է նախկին վարչապետը:
Նրա կարծիքով`Թուրքիայի նախագահ Ռեջեփ Թայիփ Էրդողանը, որին նախագահական համակարգի անցումով տրվել էին բացառիկ լիազորություններ, վնաս է հասցնում պետության հիմնական կառույցներին:
