Ինչո՞ւ հենց հիմա այդ կասկածելի համբավ ունեցողը հաղորդում ներկայացրեց Նարեկի դեմ

Ամեն անգամ, երբ կարդում ես ՀՀ քննչական կոմիտեի, հատուկ քննչական ծառայության և հայաստանյան այլ իրավապահ մարմինների հաղորդագրութունները, մտածում ես՝ ինչ հարուստ նյութ կտային նրանք Կաֆկային, Սոլժենիցինին, Դովլաթովին ու շատ այլ մտածողների։

Նարեկ Կարապետյանին անձամբ չեմ ճանաչում, բայց այն գործելաոճը, որ ունեն մեր իրավապահ մարմինները, սկսում են աստիճանաբար ձևավորել ճանաչելի գծեր՝ մեղադրանքներ, որոնց հիմքում ընդամենը մեկ ցուցմունք է, այդ պահին քաղաքական վերնախավին հաճոյանալու անհագուրդ մոլուցք՝ նույնիսկ, եթե հետո այս «խիստ հիմնավոր» մեղադրանքի բացասական հետևանքներից ազատվելը մեծ ջանքեր է պահանջելու, բացարձակ կարճատեսություն և պատահեկանություն։

Որտե՞ղ է ձեր տրամաբանությունը ինչո՞ւ հենց հիմա այդ կասկածելի համբավ ունեցողը հաղորդում ներկայացրեց Նարեկի դեմ, ինչո՞ւ, երբ այնտեղ շանտաժի չենթարկվեցին Կարապետյանները, ձեզ մոտ դա հնարավոր եղավ։ Ձեզ իրո՞ք թվում է, որ այդ եղանակով ինչ-որ բան կկորզեք Նարեկի հորից կամ հորեղբորից։ Կամ, ասենք, կարատավորեք տարիներով ձեռք բերած անուն կամ համբա՞վ։

Իրավական պետությունում սրանք չէ, որ պետք է լինեին իրավապահ մարմինների ճանաչելի գծերը, ու քանի դեռ ներդրումներ փափագող իշխանությունները այս պարզ ճշմարտությունը չեն կարողանում գիտակցել, որևէ ներդրում այս երկրում չի լինելու։ Եվս մեկ անգամ կարդացեք՝ չի լինելու։

Ի դեպ Նիկոլ Փաշինյանի ու թիմի հանցագործությունների մասին ամեն օր նյութեր են լինում։ Անգամ մեկը չարժե՞ր, որ գործ հարուցեիք:

Հ.Գ. Համամիտ եմ գլխավոր դատախազ Արթուր Դավթյանի հետ, որ ամեն մարդ պետք է ամբողջությամբ պատասխան տա իր արածների համար, սակայն պայմանով, որ գլխավոր դատախազը նաև ինքն իրեն դիտարկի այդ շրջանակում։ Հետաքրքիր է՝ պարոն Դավթյանն արդեն ցուցում տվե՞լ է Նարեկ Կարապետյանի գործով, եթե դեռ ոչ, ապա դատախազական վերահսկողության շրջանակներում քայլեր չունի՞ անելու։

Արփինե Հովհաննիսյանի ֆեյսբուքյան էջից

Ամեն անգամ, երբ կարդում ես ՀՀ քննչական կոմիտեի, հատուկ քննչական ծառայության եւ հայաստանյան այլ իրավապահ մարմինների…

Опубликовано Arpine Hovhannisyan Среда, 17 июля 2019 г.