Թբիլիսի-Երևան չվերթը մի քանի անգամ թանկացել է

Թբիլիսիից Երևան և հակառակ ուղղությամբ ավիատոմսերը մի քանի անգամ թանկացել են:

Վրացական ավիափոխադրող Georgian Airways ընկերության պաշտոնական էջում առաջիկա չվերթը՝ հուլիսի 10-ին է, մեկ ուղղությամբ տոմսի արժեքը՝ էկոնոմ կարգով՝ 800 լարի է (մոտ 280 դոլար), առաջին կարգով՝ բիզնես կարգով՝ 1230 լարի (մոտ 430 դոլար):

Ի դեպ նշենք, որ մեկ ամիս առաջ նույն ուղղությամբ ավիատոմս կարելի էր ձեռք բերել մոտ 100 դոլարով:

Aliq.ge-ի տեղեկացմամբ, Վրաստանի քաղավիացիան ամռանն ավիատոմսերի թանկացումը սովորաբար պայմանավորում է զբոսաշրջային սեզոնի հետ:

Այս անգամ տոմսերի գնաճը զուգադիպեց Վրաստանի խորհրդարանի միջադեպից հետո Վրաստան-Ռուսաստան հարաբերությունների լարվելու հետ: Պաշտոնական Մոսկվան, ի պատասխան Վրաստանում հակառուսական ալիքի, հայտարարեց հուլիսի 8-ից դեպի Վրաստան թռիչքների արգելքի մասին:

Ռուսական լրատվամիջոցները, հղում անելով ՌԴ ԱԳՆ աղբյուրին, գրում են, որ հնարավոր է չվերթների արգելքը չեղարկվի՝ Վրաստանում ռուսատյացության ալիքի մարման դեպքում: