Փողոցներում տեղադրված տեխնիկական միջոցները ոչ մի կապ չունեն երթևեկության կանոնակարգման և ճանապարհային անվտանգության հետ

Հայաստանում քաղաքացին շարունակում է տուգանվել, նորից տուգանվել, և ապա տուգանվել՝ տուգանքը չվճարելու համար

Չնայած Հայաստանի բոլոր փողոցների, մայրուղիների վրա դրված արագաչափերին, ինչպես նաև բոլոր խաչմերուկներում տեղադրված տեսանկարահանող հատուկ տեխնիկայի առկայությանը, հանրապետության ամբողջ տարածքում նկատվում է մահացու ելքով ավտովթարների և վրաերթերի թվի աճ:

Չկա օր, որ չլսենք մահացու ելքով վթարի կամ վրաերթի մասին, ինչն արդեն ստանում է տագնապալի բնույթ:

Սա հաստատում է երկու հանգամանք.

  1. Նշված տեխնիկական միջոցները ոչ մի կապ չունեն երթևեկության կանոնակարգման և ճանապարհային անվտանգության հետ, այլ նպատակ ունեն տուգանքներով հարստահարել ու կեղեքել վարորդներին՝ ապահովելով լրացուցիչ եկամուտներ մասնավոր ընկերությանը, որը, իմիջիայլոց, չփոխվեց իշխանափոխությունից հետո:
  2. Ճանապարհային ոստիկանության իրավասություններն ու թվակազմն անթույլատրելի նվազեցված են:

Սակայն ի թիվս նշված փաստերի, հարկ եմ համարում նշել, որ հանրապետության փողոցներում իրենց ամբարտավան և լկտի վարքագծով առանձնապես աչքի են ընկնում հասարակության ստորին շերտի ներկայացուցիչները:

Նախկինում այդպիսի վարքագիծ նկատվում էր հասարակության հարուստ և արտոնյալ խավի ներկայացուցիների մոտ (իրավիճակ է փոխվել):

Կարծում եմ՝ սա պայմանավորված է Հայաստանում հռչակված «ժողովրդի իշխանության» հանգամանքով, որտեղ յուրաքանչյուրն իրեն հռչակում է «ժողովուրդ», դնում օրենքից վեր և համարում ամենակարող ու անպատժելի:

Սրան նպաստում է նաև իշխանությունների կողմից իր էլեկտորատի նկատմամբ ցուցաբերվող խիստ լոյալ վերաբերմունքը, «թավիշն ու սերը», որ տարածվում է հասարակության առավելապես ստորին խավի նկատմամբ՝ դառնալով պատանիների, երիտասարդների կյանքի և առողջության սպառնալիք:

Վերջում ցանկանում եմ բոլորս արձանագրենք, որ.

Հայաստանում քաղաքացին շարունակում է տուգանվել, նորից տուգանվել, և ապա տուգանվել՝ տուգանքը չվճարելու համար:

Իրավագիտության դոցենտ Արթուր Ղազինյանի ֆեյսբուքյան էջից

Չնայած Հայաստանի բոլոր փողոցների, մայրուղիների վրա դված արագաչափերին, ինչպես նաև բոլոր խաչմերուկներում տեղադրված…

Опубликовано Artur Ghazinyan Суббота, 29 июня 2019 г.