Արցախի բնակչությունը որպես պետականություն կրող տիտղոսակիր էթնիկ ընդհանրություն իրավունք ունի դառնալ բանակցային կողմ

Հակամարտության կարգավորման բանակցային գործընթացին Արցախն ընդգրկելու հայկական կողմի վերջերս կրկին բարձրացվող պահանջին ադրբեջանական դիվանագիտությունը պատասխանում է Ղարաբաղի ադրբեջանական համայնքի մասնակցության անհրաժեշտության մասին հայտարարություններով։ Այս թվացյալ ճարպիկ քայլին պետք է հակադարձել հիմնավոր իրավաքաղաքական պարզաբանումներով և դա հասցնել համանախագահողներին։ Իմ կարծիքով պետք է հստակեցվի, որ հայկական կողմի առաջարկը վերաբերում է ոչ թե էթնիկ համայնքներին բանակցությունների սեղանի շուրջ նստեցնելուն, այլ Արցախի Հանրապետության, որպես դե ֆակտո կայացած, բայց դեռ չճանաչված պետության բանակցային գործընթացում ընդգրկվելուն։

Նախկին ԼՂԻՄ հայ բնակչությունը ստեղծել է իր պետական կազմավորումը, հանդիսանում է պետականություն կրող տիտղոսակիր էթնիկ ընդհանրություն և իրավունք ունի դառնալ բանակցային կողմ։ Այս նույն տարածքում նախկինում ապրած ադրբեջանցիները կարող են միայն բարձրացնել իրենց վերադարձի հարցը, սակայն հակամարտությունների կարգավորման միջազգային փորձը ցույց է տվել, որ նման քայլերը կարող են կրկին արյունահեղության պատճառ դառնալ։ Հիշենք միլիոնավոր գերմանացիների հարկադիր վերաբնակեցումը Լեհաստանին և Չեխոսլովակիային անցած տարածքներից, որն իհարկե, ինչպես պատմությունը ցույց տվեց, արդարացված էր։

ԵՊՀ քաղաքագիտության ամիոնի վարիչ Գագիկ Քեռյանի ֆեյսբուքյան էջից