Կառավարությունը մաքսային արտոնություն տվեց «Ալեքս տեքստիլ» ընկերությանը
ՀՀ կառավարությունն այսօրվա նիստում ընդունված որոշմամբ մաքսային արտոնություն է տրամադրել ՀՀ ԱԺ նախկին ՀՀԿ-ական պատգամավոր, գործարար Սամվել Ալեքսանյանին պատկանող «Ալեքս տեքստիլ» ընկերությանը։
Որոշումը հիմնավորվում է ընկերության կողմից գերակա ոլորտում իրականացվող ներդրումներով։
Կառավարության որոշման նախագծից պարզ է դառնում, որ ներմուծվող ապրանքների հիմնական մասը ներկրվում է Թուրքիայից, որոշ մասը` Չինաստանից։ Ներկրվող ապրանքների ընդհանուր արժեքը կազմում է 14 127 414 670 դրամ։
Կառավարության որոշման համաձայն` «Ալեքս տեքստիլ» սահմանափակ պատասխանատվությամբ ընկերության կողմից ներմուծվող ապրանքներն օգտագործվելու են կարի և գուլպայի արտադրության մեջ։ Դրանց ներմուծումը Թուրքիայից բացատրվում է հետևյալ կերպ․ «Ապրանքները չեն ներմուծվում ԵԱՏՄ անդամ-երկրներից, քանի որ չեն բավարարում ընկերության տեխնիկական պահանջները»։
